Agenda 21 eskolan

Munduko eskoletan, hezkuntza sistemak proposatutako materiak eta edukiak irakatsi behar dira. Baina badira zenbait gai eta balore haurrei transmititu behar zaienak, eta teoria barruan agian azaltzen ez direnak. Ingurunearen garrantzia ezagutzea eta zaintzea izan daiteke gai bat. Horregatik sortu zen "agenda 21 escolar".  Estatuan badira urtean eskola asko parte hartzen dutenak, adibide bat jartzekotan hau jarriko dugu. Baina zergatik izan daiteke garrantzitsua plan hau?

Gure gizartean baliabide asko ditugu, eta energia lortzeko iturriak anitzak dira. Baina baliabide horiek ez dira beti berriztagarriak izaten, eta hori arazo bat izango da etorkizunean. Adibide erraz bat jartzekotan, kotxeak gasolina erabiltzen dute mugitzeko, baina petrolioa bukatuko da noizbait, horrek dakarren kontsekuentziekin...

Hemen hartzen du garrantzi handia baliabide berriztagarriak. Nondik lortu energia, noiz bukatuko den duda izan gabe? Oso inportantea da beraz gure gizartea txikitatik ikastea honen garrantzia. Haurrak jakin behar dute badirela gauza batzuk ez direnak betiko, eta ezagutu egin behar dituzte baliabide berriak.
Beraz "21 agenda" oso plan interesgarria iruditzen zait. Nire ustez umeei ondo irakatsi behar zaie ingurumenaren balioa eta bere garrantzia gure bizitzan. Eskola ingurumena umeei urbiltzeko tresna edo medio aproposena dela uste dut, azken finean hezkuntzan prozesu barruan egin daiteken zerbait da eta nork egingo dute hobeto irakaskuntza hori, irakasleak baino.

Adimen anitzak

Gure taldean adimen anitzak landu ditugu, eta bere garrantzia kirol arloan azalduko dugu. 
Hasteko esan beharra dago adimen anitzak 7 direla, Gadnerren teoria jarraituz. Badira beste teoria batzuk baina hau da agian ezagunena. Arazo ezberdinei aurre egiteko gaitasuna da eta adimenen barruan 7 mota ezberdintzen dira:

Kirol arloan 7 inteligentziak beharrezkoak dira, baina ekintzaren arabera bakoitzaren garrantzia aldatu egiten da. Adibidez talde kiroletan inteligentzia interpertsonala ezinbestekoa da, taldekideak behar direlako emaitza onak izateko. Bakarkako kiroletan aldiz, intrapertsonala garrantzitsuena da, izan ere bakoitzaren esku dago emaitzak lortzea.

Kiroletan komunikazioak garrantzi handia du eta hori gabe ezinezkoa da estrategia bat aurrera eraman. Beraz, giza hizkuntzetarako inteligentzia, inteligentzia logiko-matematikoa garatzeko beharrezkoa da.

Irakaslearen kasuan talde lana egin behar duenez, interpertsonala garatzen du gehien. Bi hauek lortuta, beste adimen mota batzuk garatu daitezke. Guk heziketa fisikoko irakaslearen ikuspuntutik aztertuko ditugu adimen mota hauek. Hau garatuta, espazio-ikuste inteligentzia  eta musikarako inteligentziak garatzen dira ere bai.

Informazio teorikoa nahi baduzu hemen aurki dezakezu
Lehen esan bezala, guk heziketa fisikoko minorra egin nahi dugunez, klase praktiko bat prestatuko dugu non adimen guztiak landuko ditugun.
Hasteko, beroketa bat egingo dugu, hone ondoren, garapena edo gehien landu nahi dugun zatia eta azkenik, erlaxazio saio batekin bukatuko dugu. Beroketa egiteko, joku batzuen bidez:
Harrapaketa: Adimen intrapertsonala eta espaziala lantzen dira hemen.
Poliziak eta lapurrak: Adimen interpertsonala, linguistikoa  eta espaziala  lantzen dira hemen.
Honekin beroketa bukatutzat emango genuke eta garapenarekin hasiko ginateke:
Zelai-errea: Adimen interpertsonala / intrapertsonala ,espaziala , estrategiko-logikoa eta linguistikoa lantzen dira hemen.
Ispiluaren jokoa: interpertsonala,intrapertsonala,musikala eta espaziala.
Honekin garapena bukatutzat emango genuke eta umeei, denbora librea emango diegu beraiek nahi dutenean jolasteko. Azkenean luzaketak egingo ditugu eta lurrean etzanda isilik minutu bat egongo gara, saioa erlaxatuta bukatzeko.

Intrapertsonala: norbera bere buruaz arduratzen da
Interpertsonala: lan taldeak garrantzia handia dauka
Linguistikoa: taldekideen artean komunikazioa ezinbestekoa da
Espaziala:  mugimenduak, koordinazioa...beharrezkoak dira.
Estrategiko-logikoa : ondo kokatuta egon,banatuta, bakarrik zaudenean besteei pasatu.
Musikala: Gorputzaren adierazpena.

kalitatezko hezkuntza publikoaren alde MURRIZKETARIK EZ!

 Milaka pertsonak kalitatezko hezkuntza publikoaren alde murruzketarik ez egotea aldarrikatu dute, hona hemen albiste honen esteka: http://www.eitb.com/eu/albisteak/gizartea/osoa/761952/milaka-pertsonak-kalitatezko-hezkuntza-publikoa-aldarrikatu-dute/

Gaur egun krisia dela eta azken urte hauetan nabariak dira lan guztietan murrizketak.Murrizketa horietan gako bat dago, izan ere, irakasleak murrizten badituzte irakasle bakoitzak ikasle gehiago edukiko dituzte, horrela beraien errendimendua baxuagoa izanez. Errendimendua baxuagoa izateak ondorio asko ekar litezke gizartera, izan ere, oinarria ez badute menperatzen gizarte aurreratuago bat lortu beharrean atzera pausu bat izango litzateke gizartearentzat.
Hori da gaur egungo egoera, eta horren kontra borrokatzen ari diren jende asko dagoen arren, egoera ez da xamurra.
Espero dut, artikulu honek kontzientziatzen lagundu izanak, eta ez gu irakasle izango garelako soilik, haurren heziketak gizartean garrantzi handia duelako eta izango duelako baizik.

Ikasle eta irakasle papela

Gure taldean bost pertsona egon gara, hiru adimen emozionalekoak eta bi adimen anitzekoak.
Hasieran adimen emozionalekoak hasi dira azalpena ematen, eta aurreko egunean landutako hamar ideiak ez dituztenez eskura eduki, hasiera batean galdu xamar hasi dira. Baina behin martxa hartu dutenean azalpen onak eman dituzte, ezer ez dakigunoi bideratuak. Azalpenak errazago ulertzeko, adibide asko erabili dituzte eta horrek errazago ulertzea ekarri digu Ania eta bioi.
Irakasle gisa aritu garenean, hasiera batean ez dut jakin nola egin aurre egoerari, baina behin azalpenak ematen hasi garenean, gutxika gutxika konfidantza hartuz joan naiz eta horrek azalpenak nik nahi nituen antzera ematea ahalbidetu dit.
Pertsonalki, ariketa gustatu egin zait, lehenik ikasle lanean aritu naizelako eta ondoren irakasle lanean. Horrek ikasle nahizenean gauzak zein erraz ikusten diren eta irakasle izango naizenean zein zailak diren ikustea ekarri didalako.

Eskola katolikoei ere laguntza publikoak eman behar al zaizkie?

 http://www.abc.es/agencias/noticia.asp?noticia=966176

XVII. hezkuntza katolikoko kongresu mundiala ospatu zen Zaragozan eta bertan eztabaidatu zen gai nagusia, instituzio publikoek eskola katolikoei dirurik prestatu behar dioten edo ez izan da.

Eztabaida honetan hainbat iritis desberdin izan dira eta azkenean ere ez dira adostasun batera iritsi. Laguntza hauek eskatzearen arrazoi nagusia, gurasoek beraien seme.alabak nahi dituzten eskola eredura eramateko askatasuna da. Izan ere, aldarrikatzen dute, laguntza hauek izan ezean, gurasoek ez dutela askatasun hau. Eskola katolikoak edo eskola pribatuak, publikoak baino garestiagoak dira eta horrek, askatasuna kentzen die guraso askori beraien seme.alabak nahi dituzten ikastetxera eramateko.

Hezkuntza guztiok izan behar dugun eskubide bat da eta gaur egun hori horrela da. Izan ere, eskola publiko batean, edozein haurrek ikasi dezake. Beraz, ikastetxe pribatu edo katolikoetan ikastea, bakoitzak aukeratzen duen pribilegioa da eta horregaitik ez da beharrezkoa hauei laguntzak eskeintzea. Beraz, hezkuntza eskubide bat da bai, baina hezkuntza publikotik aparte ikasi nahi duten haurrek, pribilegio batzuk hautatzen dituzte eta beraz, hauek beraien poltsikotik ordaindu beharko dituzte eta ez guztien dirutik.

Autokritika

Gaur klasean adimen emozionalari buruz zerbait ikastea tokatu zait eta irakasle lanetan ari direnek, oso argi azaldu didate, adibideen bidez. Akatsen bat edo beste eduki dute, batez ere euskeraz ideiak azaltzeko zailtasunak, baina gainontzekoan, oso ondo azldu didate guztia.
Gero niri tokatu zait irakasle lanak egitea eta nahiko urduri egon naiz, ez dut balio jendearen aurrean hitz egiteko eta horrek, zailtasunak ematen dizkit dakidana azaltzeko. Dakidana gaizki esateko edo konfunditzeko beldurra edukitzen dut.

AUTOKRITIKA

Klasean egindakoari buruzko hausnarketa eginez gero, esango dut oso ariketa ona izan dela, izan ere, bai irakasale, bai ikasle egoeratan egon naiz. Ikasle izan naizenean, nire klasekideak azalpen onak eman dizkit, hori bai, motzegiak agian. Hori dela eta, ez ditut gauza gehiegi ikasi, baina azaldutakoak primeran ulertu ditut.
Irakaslea izan naizenean gauzak nahiko ondo joan dira, esan didalako azalpen konplexua eta osoa egin dudala eta azkenean guztia ulertu duela, hori zen nire asmoa. Agian ni ez naiz asko zabaldu baina azaldutakoa ondo azaltzen saiatu naiz eta dirudienez, lortu dut

ADIMEN EMOZIONALA

Gaur adimen emozionala irakatsi behar zidaten bi klaseko adiskide, beraz ikasle lanak egin ditut. Nahiko ondo ulertu zaie dena, oso argi esplikatu dutelako. Nahiko eskematikoki azaldu dute eta oso ulerkorra izan da gaia.
Oso huts gutxi nabari izan diot, agian nabariena pixkat azkar hitzegiten dutela da. Baina ez da besterik egon.

Gero ni irakasle lanak egin ditudanean, adimen anitzak azaldu dizkiet, eta nahiko eskematikoki azaldu badiet ere, ondo ulertu didatela diote. Beraz nahiko ondo atera da.

Irakasleak soberan daude?

Gaur egun bizi den gizarte egoera dela eta, arazo asko egoten ari dira, heziketan adibidez. Krisia mundu osoan ematen ari den gertaera da, baina Espainian ondorioak askoz nabariagoak izaten ari dira beste herrialde batzuetan baino. Espainian dagoen langabezia tasa, historian zehar altuena da eta honek ondorio larriak ekarri ditu gizartera.

Ondorio hauen artean, lehen esan dudan bezala, heziketan egiten ari diren aldaketak daude, izan ere, batzuen ustez, irakasale gehiegi daude eta hau arazo bat da askorentzat. Zorionez, batzuen ustez hau ez da horrela eta pentsatzen dute irakasleak behar direla eta hori, zalantzarik gabe horrela da. Bestela, nortzuek irakatsiko zuten?

Krisia gure akatsetatik sortu egin zen eta gu arazo honi irtenbideak aurkitu behar dizkiogu, izan ere, gure bizitzaren arlo gehienetan eragin zuzena dauka. Hau lortzeko, gaur egungo gazteei heziketa ona eman behar zaie eta hori irakasleen esku baino ez dago, hori dela eta, ezinbestekoa da irakasleak laguntzea eta eskatzen dutena, ahal den neurrian, ematea.

http://www.adn.es/lavida/20111008/NWS-0376-Gabilondo-Espana-profesores-ministro-asegura.html